Blog 2 Column

  • All
  • Press

09 Feb 2017 | 支持香港小店系列~創意甜品抹茶紅豆麻糬戚風蛋糕!水準真心超晒班~

香港依家愈開愈多IG店,除咗賣衫賣飾物賣手作之外,其實唔少人會賣甜品㗎!最近小編就發現咗一間叫The Mochiffon Cake既IG甜品店,佢哋既出品真係又特別又用心製作~ 抹茶蛋糕大家就食得多,但係用戚風蛋糕夾麻糬既蛋糕,你又有冇食過? 當中宇治抹茶紅豆口味應該最適合香港人既喜好~抹茶戚風蛋糕夾自家製麻糬、日本抹茶忌廉同紅豆,依個配搭其實真係幾創新。戚風蛋糕非常鬆軟,而且帶淡淡既抹茶味,不過就一啲都唔覺得澀。 中間既麻糬口感超煙韌,而且有好香既糯米味~再加上中間既幼滑忌廉,水準簡直係超出好多街舖! 而且小店用既材料絕對唔隨便,麵粉、忌廉、紅豆、抹茶粉都來自日本㗎~ 蛋糕就送貨當日先整既,最好就即日食啦~ 如果你唔鍾意抹茶,都可以試下士多啤梨口味~原味戚風蛋糕、忌廉、士多啤梨醬、麻糬,再加上蜂蜜脆脆、士多啤梨乾同開心果作為點綴,食落酸酸甜甜好好味~ (小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編~謝謝~) HolidaySmart 假期日常長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同HolidaySmart 假期日常相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊! 👉🏻 即刻Follow我哋Instagram holidaysmart.hk 報導詳情: https://holiday.presslogic.com/article/7579/支持香港小店系列-創意甜品抹茶紅豆麻糬戚風蛋糕-水準真心超晒班

2 Jan 2018 | 天國而來的口感!你唔可以唔買嘅IG人氣店~全港首創軟熟鬆軟戚風蛋糕配煙韌麻糬!仲要低糖低油好健康啊~

小編今次又要同大家介紹少有極度高質嘅Instagram小店喇!係一間本地自家烘焙嘅戚風蛋糕小店!店名the.Mochiffon.cake就係將兩種主要材料夾埋一齊而命名,Mochi就係麻糬而chiffon就係戚風蛋糕,idea原自店主自己分別好鍾意呢兩款野食,然後無意中將兩樣擺埋一齊食發覺意外地超夾~Photo from the.mochiffon.cake 戚風蛋糕說真的就好多地方都食到,但加埋麻糬呢個組合真係全港首創嫁,未試過嘅朋友真係要體驗下呢個咁幸福嘅口感!Photo from Presslogic 店主仲要每次都堅持交收當日新鮮製造,所以都建議當日食就最好味,因為個有忌廉嘅關係要放入雪櫃先可以保存過夜,而水份係會慢慢被吸走!如果當日食的話,真係會感受到個戚風蛋糕超軟熟鬆軟到好脆弱但又有回彈力嘅感覺,真係要小心輕放!當然個口感亦可以享受到最MAX最顛峰嘅狀態喇!嗚~回一回味個口感我都覺得好幸福啊!Photo from the.mochiffon.cake 唔好睇佢好似細細舊咁~其實都幾重份量嫁!呢個戚風麻糬蛋糕家族依家最新已經加到一共有六款口味喇!包括蛋香味十足嘅原味,茶味系列嘅就有焙茶、抹茶同最新嘅伯爵茶味、仲有tiramisu同最新加入充滿冬日氣氛嘅酒香紅桑子可可啊! 蛋香味配低糖士多啤梨果醬千祈唔可以睇少呢個原味蛋白味嘅威力啊,蛋香真係唔可以忽視,超重蛋香~再加左自家製嘅士多啤梨果醬同牛乳忌廉超好味啊,兩個係採用低糖配方嫁!真係食得開心又放心~超鍾意個果醬味道!超香超重果香,而忌廉就香滑濃郁但做到濃而不膩嘅感覺!Photo from Presslogic 焙茶紅豆 & 抹茶紅豆超級人氣嘅分別有茶控必愛嘅抹茶同焙茶!蛋糕亦用左茶底去做烘焙,抹茶味同焙茶味都係食個蛋糕嘅時候有陣陣幽香係口中跑出黎!上面仲係抹茶同焙茶忌廉上面加上北海道紅豆,紅豆唔會太甜但更加可以帶出茶味~有宇治金時嘅感覺,成個味道好完滿啊嗚~Photo from Presslogic 經典伯爵而伯爵茶係叫做係新加入嘅一員!用上英國Twinings伯爵茶葉去焗個蛋糕!說真的,一打開個盒就已經聞到陣陣伯爵茶味湧出黎,伯爵茶控真係必入手!個人認為呢款個香味會比口味更加突出~Photo from Presslogic Tiramisu蛋糕係整成咖啡戚風蛋糕,咖啡味好香醇濃郁~而個忌廉係被tiramisu靈魂食材意大利mascapone cheese除而代之,上面再灑上可可粉~食落個味真係同tiramisu無分別嫁!芝士香好出,食真啲仲會食到有少少酒香味!簡直可以封號為Tiramisu嘅蛋糕版啊!Photo from PresslogicPhoto from Presslogic廣告廣告 壓軸要介紹嘅係新登場嘅酒香紅桑子可可!其實係原本香濃可可嘅變奏版~可可戚風蛋糕本身已經好好食,再加上用左酸酸甜甜嘅紅桑子醬!去卻左本來淨係可可嘅甜膩感,直情成功帶起左個味道!Photo from Presslogic 想食呢間人氣IG shop就一定要留意呢個舖頭嘅IG post喇!皆因佢地每個月都係只有兩團,仲要留意住邊日開Google form要踏正10點去訂購嫁!小編表示曾經多次miss左個時間,試過04分交form都訂唔到!想買就一定要mark實佢嘅IG喇! the.mochiffon.cakeInstagram:https://www.instagram.com/the.mochiffon.cake/ 售價:散件裝 –$70/2 (最少每個口味訂2件,最多每人訂4件) 散水餅 –12件起訂~可選兩款口味! 6寸原個蛋糕裝 –宇治抹茶紅豆/焙茶紅豆 $280香濃可可 $270蛋香味配低糖士多啤梨果醬 $260Photo from the.mochiffon.cakePhoto from the.mochiffon.cake Text: Holiday Editorial (小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編) *本文章的圖片均經其本人或其公司授權,其他媒體不得轉載 HolidaySmart 假期日常長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同HolidaySmart 假期日常相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊! 👉🏻…

19 Oct 2016 | 係蛋糕?定三文治?煙煙韌韌抹茶麻糬蛋糕 (U Food)

呢間 Ig 店叫 The Mochiffon Cake,店主 Ariel 好鍾意食煙煙韌韌嘅嘢食,自己又擅長做戚風蛋糕,於是製作出外表似三文治、用戚風蛋糕夾住自家製麻糬嘅 Mochiffon Cake。 蛋糕有士多啤梨和宇治抹茶紅豆 2 款口味,開賣 1 個月,已經每星期賣約 60 至 80 件,好受歡迎。 Uji Matcha Mochiffon Cake $68 /2 件推出一星期嘅抹茶紅豆 Mochiffon Cake,用抹茶戚風蛋糕夾住自家製麻糬、日本抹茶忌廉,再加幾粒紅豆,愛宇治金時甜品嘅女生一定要試。試一啖,戚風蛋糕濕潤綿密,做蛋糕嘅抹茶粉來自京都宇治,茶味香濃但唔苦澀,aftertaste 仲有少許回甘,唔算甜。中間的麻糬口感軟糯超煙韌,估唔到同戚風蛋糕咁夾! Wild Strawberry Mochiffon Cake $68 /2 件士多啤梨味比較清新,原味戚風蛋糕配忌廉、士多啤梨醬,topping 有蜂蜜脆脆、士多啤梨乾同開心果做點綴,食落酸酸甜甜有咬口,用嘅都係低糖材料,甜度適中又開胃。 Ariel 話 Mochiffon Cake 最好即日食,食之前可以先雪一雪。食時亦唔洗顧儀態,徒手吧! The Mochiffon Cake網址︰https://www.instagram.com/the.mochiffon.cake/ 報導詳情: https://food.ulifestyle.com.hk/restaurant/news/detail/1566884/係蛋糕-定三文治-煙煙韌韌抹茶麻糬蛋糕

1 Oct 2016 | 當麻糬遇上戚風 即是Mochiffon

你可能係戚風蛋糕和麻糬的忠粉,好消息係,有新開的Ig (Instagram) shop叫The Monchiffon Cake自家研發咗麻糬戚風蛋糕!一款甜品有多重口感,因為鬆軟的戚風蛋糕夾住煙韌的麻糬,中間還有忌廉,最後加上果醬、開心果和脆脆,諗起都覺得過癮啊!可惜依家暫時仲未有門市可買,要訂造和交收,不過好處是可以根據自己口味訂造生日蛋糕呢! 報導詳情: https://hk.on.cc/hk/bkn/cnt/lifestyle/20161001/bkn-20161001192607518-1001_00982_001.html

27 Nov 2018 | 【相機食先】靚到唔捨得食! 有外表也有內涵的人氣手製蛋糕網店

全港首創的麻糬戚風蛋糕 這間蛋糕網店由宣傳和製作全由店主一手包辦,店主堅持即日製造,即日交收,絕不將蛋糕留過夜。由於人手有限,每天也會限量發售,小店每半個月就會開團一次,客人需要在指定時間下單,售罄了就下次請早。外表宛如三文治的蛋糕,打破了大部份人對戚風蛋糕單調的印象,內餡是自家製麻糬和不同口味的忌廉,不少客人都表示他們的蛋糕鬆軟濕潤,麻糬與蛋糕的口感十分合襯,相信可以令你們眼前一亮。 報導詳情: https://www.hk01.com/知性女生/262721/相機食先-靚到唔捨得食-有外表也有內涵的人氣手製蛋糕網店漿蛋糕店-人氣流心千層-爆餡泡芙生必備

13 Mar 2020 | 疫境中網上尋甜味小確幸 5間手工甜品店推薦 (line)

將麻糬結合戚風蛋糕的網上甜品店The Mochiffon Cake,為鬆軟蛋糕更添煙韌口感,開業不久便旋即爆紅,加上全部蛋糕均是低糖低油,每日新鮮製造,又有不同口味選擇,包括抹茶、tiramisu、伯爵可可等。近期他更研發出流心內餡,難怪店舖能一直保持人氣高企! 報導詳情: https://today.line.me/hk/v2/article/疫境中網上尋甜味小確幸%E3%80%805間手工甜品店推薦-k65Q5o

6 Nov 2020 | 蛋糕訂購|5間爆漿蛋糕店 人氣流心千層、爆餡泡芙生日打卡必備 (HK01)

濕潤的戚風蛋糕中夾入煙靭麻糬及其他配料,製作出爆餡戚風蛋糕、卷蛋等蛋糕款式,標榜選用日本頂級麵粉及日本忌廉,而且無添加劑、防腐劑!如想訂購件裝,大家需要留意時間,因爲每個月只有兩團,大家要Keep住留意IG公佈。 報導詳情: https://www.hk01.com/食玩買/544358/蛋糕訂購-5間爆漿蛋糕店-人氣流心千層-爆餡泡芙生日打卡必備

Top rated products